ယာဉ်မောင်းအိပ်ငိုက်၍ တံတားအောက်သို့ထိုးကျ
နေပြည်တော်၊ ဧပြီ ၂၂
၂၁-၄-၂၀၁၃ ရက်နေ့ ၀၅၃၀ အချိန် ပဲခူးတိုင်းဒေသကြီး၊ အုတ်တွင်းမြို့နယ်၊ ရန်ကုန်-နေပြည်တော် အမြန်လမ်းမိုင်တိုင်အမှတ်(၁၅၄/၂)တွင် ရန်ကုန်မှ နေပြည်တော်သို့ မကွေးမြို့နယ်၊ ပြည်တော်သာအိမ်ရာနေ တက်ထွန်း (၅၇)နှစ် မောင်းနှင်သည့် ၇ဂ/xxxx အေးချစ်မြိုင်ခရီးသည်တင် မှန်လုံယာဉ်မှာ ယာဉ်မောင်းအိပ်ငိုက်ပြီး လမ်းလယ်ကျွန်းကာရံထားသောကပ်တုံးများအား ၀င်တိုက်ကာ တံတားအမှတ်(၁/၁၅၅)အပေါ်မှ အောက်သို့ထိုးကျခဲ့သည်။
ယာဉ်တိမ်းမှောက်မှုကြောင့် လူထိခိုက်မှုမရှိသော်လည်း မှန်လုံယာဉ်မှာ ရှေ့ခေါင်းပိုင်း ကျေမွ၊ လေကာမှန်ကွဲ/ယာဘက်ဘေးမှန်ကွဲပျက်စီးခဲ့ပြီး ယာဉ်မောင်းဖြစ်သူ တက်ထွန်းအား ဗောဓိကုန်းအမြန်လမ်းရဲစခန်း ယာဉ်(ပ)၁/၂၀၁၃၊ ပြစ်မှုပုဒ်မ ၂၇၉ ဖြင့် အမှုဖွင့်စစ်ဆေးလျက် ရှိကြောင်း သတင်းရရှိသည်။
Comments
Post a Comment